Happy Halloween

Wala muna akong mai-post na mga kwento dito sa aking pahina, medyo busy ako sa aking trabaho at sa munti kong negosyo. At bukas araw ng sabado ay magbabakasyon ako sa probinsiya ng aking lolo, dahil undas na sa susunod na mga araw, nais ko munang ipahinga ang aking utak at maka pag relax, at higit sa lahat para madalaw ang puntod ng yumao kong Lolo upang mag bigay galang, mag pugay, mag alay ng dasal, at magbigay pasasalamat sa kanyang kabaitan at pagmamahal nung siya’y nabubuhay. Alam niyo po, napaka swerte ko kung tutuusin dahil naambagan ako ng Mana mula sa aking lolo, meron din kapirasong lupa na aking minana at yun ang isang dahilan kaya nais kong dumalaw sa probinsiya ng aking lolo sa norte. Ngunit hindi ang material na bagay ang mas higit na importante sa akin na kanyang ipinamana, kundi ang mga pangaral, kabutihang loob, at pakikitungo sa kapwa tao. Ang aking lolo ay mapag-biro, mahilig sa mga kwentong nakakatawa, palibsaha isa siyang dating barbero, at anumang pagsubok sa buhay hindi mo siya nakikitaan ng kahinaan ng loob. Siguro masasabi kong, isa yan ang aking namana.

Muli kong haharapin ang aking computer upang ipagpatuloy ang pagbibigay saya pagkatapos ng ilang araw na pamamalagi sa Norte, at ako’y labis na nagpapasalamat sa mga nagbasa, nag komento, nasiyahan at nakitawa sa mga kwento kong walang kwenta. Bagama’t wala pang isang buwan akong nagsimula na nagsulat sa aking pahina, labis ang aking tuwa at pasasalamat dahil binigyan nyo ako ng pagkakataon, at kahit papaano ay nabigyan ako ng puwang sa larangan ng blogsperyo.

Nais ko rin na mag iwan pansamantala ng ilang piling jokes, para kahit papaano eh, manatiling may ngiti, tuwa at saya sa inyong mga mukha. Marahil ito’y mga lumang jokes na at ang iba sa inyo alam na, Makitawa na lang at maglibang.

Happy Halloween sa inyong lahat. 

Sa loob ng bahay:
Tatay: Bagsak na naman ang iyong grado, bakit hindi mo tularan ang ka klase mong si badong na palaging nakaka kuha ng mataas na marka.
Anak: Unfair naman po na ihambing n’yo ako ke badong, eh, ang talino kaya ng tatay niya.

Sa Hospital:
Doc: Bakit pumapayat ka iha, hindi mo ba sinusunod ang advise ko sa iyong 3 meals a day?
Babae: 3 meals a day po ba?… akala ko kasi 3 males a day. 

Sa Sauna bath:
Masahista: Sir, gusto mo ng tirafi?
Customer: Anong tirafi? Baka therapy ang ibig mong sabihin.
Masahista: Tipafi nga po sir, After you tira me, you give me fee, uki?

Sa bahay Ulet:
Lalaki: Kapag naging tayo na, magsasama tayong haharapin ang problema
Babae: Ganun? Wala naman akong problema ah.
Lalake: Kasi nga hindi pa naging tayo. Huwag kang excited.

Sa kalsada, May Dalawang lalaki na nag jojogging:
Lalaki 1: Pare, doctor ako, kaya ako nag jojogging kasi HEALTH conscious ako. Ikaw pare?
Lalaki 2: Holdaper at Snatcher ako, WEALTH conscious ako.. akin na pitaka at celpon mo. 

Sa loob ng Taxi:
Pasahero: Mama, dahan-dahan naman po, alalahanin po laging kasunod ang disgrasiya kapag masyadong mabilis ang patakbo mo.
Driver: Kaya nga po binibilisan ko para hindi tayo abutan.

Sa loob ng bahay ulet:
Mister: Honey, (Kumatok sa pinto). buksan mo ang pinto.
Misis: Mamaya na lang, wala akong suot.
Mister: (tumawa) Okay lang honey, mag isa lang naman ako, wala akong kasama
Misis: Ako meron. 

Sa simbahan:
Pari: Ikaw Babae, tinatanggap mo ba ang Lalaking ito na maging kabiyak at magsasama sa hirap at ginhawa habang-buhay?
Babae: opo father
Pari: At ikaw naman lalaki,….Ikaw na naman? Kahapon ikaw na naman? Akala mo siguro hindi kita natatandaan?

Sa isang Turo-turo naman:
Customer: Miss, miss….. bakit me langaw itong inorder kong arrozcaldo?
Waitress: Sus ginoo! Sa halagang P3.00 piso lang, ano ini-expect mo?… manok? 

Sa bahay na naman ulet:
Anak: ‘Nay, yung girlfriend ko po hindi naniniwala sa langit at impiyerno.
Nanay: Pakasalan mo anak, ipatikim mo sa kanya ang langit at ako naman ang bahala sa impiyerno.

Sa isang maliit na kubo Isang Ina ang nagsilang ng napakapangit na sanggol:
Ama: Isa siyang kayaman sa atin
Ina: Oo nga…. Tara, ibaon natin.