Unang Regla - 1st month in blogging

Sa araw na ito (November 11, 2009) ay eksaktong isang buwan na akong tumitipak sa keyboard ng aking computer para mag blog, isang buwan na akong nakikipag siksikan sa mundo ng blogpseryo, at isang buwan na rin akong naghahasik ng kabulastugang mga kwento na puro wala namang kuwenta.

Pero kahit papaano ay meron namang nag-tityagang nagbabasa at nag-kokomento sa mga kathang isip kong kwento, mga karumal-dumal na ka ek-ekan at kapekpekang kwento na mula sa malikot at mala-bulate kong pag-iisip, mga kwentong aking nabuo habang ako’y nasa loob ng kubeta habang iniluluwal kasabay ng pag-ere ng matitigas kong tae. At sa loob ng mga araw na nagdaan ay naging masaya naman akong nakikisalamuha sa inyong lahat, sa mga taong masinop na nagbasa at nagtiyaga sa mga kwento ni alkapon na kinalkal pa sa lumang baul ng aking lolo nung panahon pa ng hapon.

Kung tutuusin ay Isa pa lamang akong sanggol na dumedede sa botelyang may tsupon, isa pa lamang akong kuting na bagong panganak na ibinulwak lamang ng inahing pusa sa ilalim ng hagdaanan, at nagsisimula pa lamang lumakad, at nagsusumikap na gumapang.

Malayong-malayo pa ako kung ikukumpara sa inyong lahat, milya-milya ang agwat at marami pa akong bigas na isasaing at kakainin, marami pa akong dapat matutununan sa blogging bago ko marating ang inyo ng narating.

At sa araw na ito, ay nais ko munang maging seryoso, baka iniisip na naman ninyo na ginugudtaym ko na naman kayo.. hindi po….kahit itong araw lang na ito na makita naman ninyo na si alkapon na tinaguriang kidlat ng malabon ay marunong namang magsalita ng seryoso, sapagkat meron akong nais bigkasin na isang mahalagang bagay, isang mainam na situwasyon kung sasabihin ko ito sa seryosong paraan upang kapanipaniwala.

Para sa inyong lahat, taos puso po akong nagpapasalamat dahil binigyan niyo ako ng pagkakataon at binigyan ninyo ako ng pahahon para makisalamuha sa inyong lahat, makisaya, makihalubilo at maki-gulo sa masayang mundo ng blogsperyo.

Tenk yu beri big – Hanggang sa muling pagpapasabog ng mga kuwentong barbero.

P.s.
TOINKS…….