Matalas na pag-iisip.

Isa sa mga naging susi ng tagumpay ng ating pambansang kamao ay ang pagiging matalas ang kanyang pag-iisip, hindi lamang sa pamamagitan ng kanyang bilis, lakas at tibay ng pangangatawan. Kasabay ng kanyang ensayo para sa laban ay kanya din hinahasa ang kaisipan kung papaano siya dumiskarte sa loob ng parisukat na lona pagdating ng oras ng sagupaan.

Sabi nga ni Manny sa kanyang mga interview. “ Ay min aaaah, ay nid to pokus por dis payt en ay wil tray may beri bes por dis payt, nat to heb distraksyon por my pokus,.. you know?”

Kailangan maging matalas ang isip, kailanganmaging focus ang attention sa laban, at hindi dapat padaig sa mga destruction, yan ang kanyang ibig sabihin.

Kahit sa ating mga trabaho ay kailangan din natin ang matalas na pag-iisip para magampanan ang ating tungkulin o responsibilidad, Impressive performance para matuwa ang kumpanya na ating pinaglilingkuran. At maging sa loob ng eskwelahan kung ikaw ay nag-aaral pa lamang, mas higit na kailangan mo ito para maipasa ang iyong mga pagsusulit at makakuha ng mataas na grado, dahil kapag mapurol ang utak, hindi hamak na mas mapurol na marka ang iyong malalasap. walang iniwan yan sa isang lapis, pag mapurol hindi makapagsulat ng mahusay, kailangan hasahin.

At kahit sa panliligaw sa mga natitipuhang tsiks, dapat maging matalas din ang isip para hindi maunahan ng karibal, madiskarte, mapangsuyo at Kung kinakailangan hindi lang maging Matalas kundi maging Matulis din.