Alay sa Bawat Pilipino ni Manny Pacquiao

Sersyosong usapan muna tayo. Dahil ayaw kong haluan ng kalokohan ang isa sa mga pinakaimportanteng araw para sa ating Pambansang kamao na si Manny Pacquiao, Ang araw na pakikipagsagupa muli sa ibabaw ng ring, upang makamit sa ika-7 titulo sa larangan ng boxing na wala pa ni isang boksingero sa buong mundo ang naka-kamit nito. At ito nga ang pinaka-aabangan kahit saan man panig ng Mundo na kung ang ating pambansa kamao ang siyang kauna-unahang Boxer na makapag kamit nito.

Pinanghahawakan ko ang lahat ng sinasabi ng kanyang coach na si Freddie Roach, ang tinaguriang 3 time world best coach of the year, dahil sa pagkaka-alam ko ay hindi pa siya pumalya sa kanyang prediction kung kailan, o anong rounds tatapusin ni Manny ang laban. Nababasa ni Freddie ang kilos at istilo ng kalaban, alam niya kung gaano kabigat ang makakatunggali ng kanyang alaga, at alam niya rin ang kahinaan ng opponent upang duon niya mismo papasukin upang tuluyang pabagsakin.

Ang sabi ni Coach Feddie noon sa mga naunang laban, "Manny will finish the fight with David Diaz in 9 rounds, Oscar Dela Hoya will not exceed in 9 rounds, I will get upset with Manny if he can’t be able to finished Hatton in 2 rounds." – Lahat ng yan ay naganap ayon sa kanyang prediction. At ito ngang huli, sinabi rin niyang tatapusin ni Manny si Cotto in early rounds. – I hope this will surely happen again.

Bukas, araw ng linggo dito sa pilipinas, ay muling titigil ang ikot ng mundo, muling magkakaisa ang bawat Pilipino, walang krimen na magaganap, tahimik ang mga lansangan, kahit na ang mga magkakatunggali sa pulitika ay nagkakaisa, maging ang mga rebelde’t sundalo ay nagkakaroon ng tigil putukan upang panoorin ang kapanapanabik na sagupaan sa ibabaw ng ring. Tunay nga na kamangha-mangha ang nagagawa ng ating pambansang kamao para sa bawat mamamayang pilipino. At ang kanyang tagumpay ay alay niya sa bayan, sa buong lipunan, Ang hiling niyang kalakasan sa maykapal at ang matinding pananampalataya sa dakilang may-likha ang siyang susi upang mapagtagumpayan ang kanyang laban.

Sa bawat suntok na bibitawan ni manny ay may kasabay na hiyaw, kasabay din ng pagkakawala ng mga hinanakit, poot at galit na namumuo sa dibdib,…sa bawat igkas ng kanyang mga paa upang sumugod, ay kaakibat ng adhikain upang bumangon mula sa pagkalugmok ng bansa sa mga nagdaang kalamidad, at sa bawat tagumpay ni Manny, ay tagumpay din ng buong mamamayang Pilipino, tagumpay ng ating bansang Pilipinas. Sama-sama ating idalangin sa maykapal, upang makamit muli ng isa pang tagumpay, dahil ngayon pa lang inaasahan na natin na si Manny "Pacman" Pacquiao ang tatanghaling mananalo at maging kampion na naturang laban.

Mabuhay ang pambansang kamao,.... Mabuhay ang bawat mamamayang Pilipino,.... Mabuhay ang Bansang Pilipinas. !!!!

UPDATE: Tiniris ni Manny ang makulit na kuto, durog..lamog-lamog.. lumayas, tangay pati lisa.
abangan ang susunod kong post sa pagkapanalo ni manny...pwede ko ng haluan ng kalookohan.. buwa ha ha ha ha ha ha ha ha.