The 3 Lady and the wishing river

Once upon a time, there was a river along the bridge over troubled water, near the home along the riles…...heh!…punyeta! hindi talaga ako marunong mag blog ng ingles, wrong grammar pa rin, pilitin ko man ayaw pumasok sa ampaw kong kokote.. ayaw ko na…ayaw ko ng mag Inglis pa, kahit kailan.... promise and never again.

Ipagpatuloy ang kuwento.

May tatlong babaeng magkakaibigan na sina Pokwang, si Chyng at Lee, sila’y mga tipong BFF, best friends forever. Hindi naman sila mga kagandahang nilalang, ngunit hindi naman sila mga pangit…kumbaga eh, katamtaman lang naman ang taglay nilang beauty, nasa above average ‘ika nga eh, pasadong marka.

Subalit, hindi sila kuntento, nais nilang gumanda at kaakit-akit sa paningin ng mga kalalakihan, kung kaya’t pinilit nilang inalam kung saan matatagpuan ang sagradong ilog, ang wishing river na makapagbibigay kasagutan sa kanilang inaasam.

To make the story short, letse! eto na naman ako….Ang tatlong magkakaibigan ay naglakbay ng malayo at hinanap ang wishing river sa kabundukan, na ang palatandaan ay yung maliit na tulay patawid sa kabilang bundok patungo sa bundok ng susong dalaga. At sa ilang oras na paglalakbay, ay kanilang nahanap ang sagradong ilog.

Laking tuwa ng tatlong gurang.. este! Dalaga pala… Ang siste nga pala para sila’y gumaganda at matupad ang kanilang wish, ay bago nila ilublob ang buong katawan sa sagradong ilog ay kelangan nilang isigaw ang pangalan ng isang tao o persona na nais nilang maging kahawig, at pagka-ahon ay magbabago ang kanilang anyo, maging kamukha na nila ang nilalang na ayon sa kanilang sinambit. 

Si Chyng ang nauna… lumusong sa tubig at bago inilubog ang sarili ay kanyang isinigaw ang…. “Angel Locsin”.

At pagka-ahon, natupad ang kanyang hiling, kamukhang-kamukha na niya ang sikat na artista na si Angel Locsin, sobrang tuwa at saya ang kanyang nadama.

Sumunod si Pokwang….lumusong din sa ilog at bago inilublob ang sarili ay kanyang isinigaw ang….... ”Ara Mina”.

Muling natupad ang isa pang hiling, naging kahawig na ni pokwang ang sikat na sexy star na si Ara Mina, mas higit na saya at tuwa ang nadama ni pokwang.

At panghuli, ang sabi ni Lee , “it’s my turn”……Lumusong din sa sagradong Ilog.

Nakatapak ng bato at nadulas…nagulat. At sa pagkakagulat ay naisigaw niya ang….

Ay! KABAYO… 

Pagka-ahon sa ilog….natupad ang kanyang nasambit.