Operation Tuli sa probinsiya

Ang pagiging “tuli” ng isang binatilyo ay pagpapatunay na isa ka ng ganap na lalaki, kalimitan ay ginagawa ito mula edad sampu hanggang labing-lima, pero meron din yung mga sanggol pa lang eh tinutuli na, at meron din yung sanga-sanga na ang bulbol saka lang naisipang magpatuli, dangan nga lamang eh, makunat at halos hindi na kayang kagatin ng gunting o labaha ang talukap na bumabalot sa ulo ng kanyang bototoy. 

Para sa mga kababaihan naman, kapag dinalaw na ng unang regla, “the first blood of Rambo” sa salitang ingles, ay ito na ang hudyat na si neneng ay nagdadalaga na rin, at siyemre kelangan ng madagdagan ng budget para pambili ng modess upang itapal sa bibingkang dilaw para hindi bumulwak ang dinuguang maasim.

Kapag ang isang lalaki ay nabisto na “supot” pa lang, naku! asahan mo katakot-takot na kantiyaw ang abutin mo, lalo na kapag dumating ang punto na me tsismoso na magbubulong sa iyong iniirog, o di kaya ang mismong syota mo ang naka diskubre na nakasimagot pa lang nguso ng iyong bototoy, he he he he, me posibilidad na maghihiwalay ang inyong landas, at hanapin ang dating daan. Oops, hindi si brother ely ang tinutukoy ko, nagkakamali po kayo, pero kilala n’yo yun? Ang bulaang propeta na pala mura?

Nung bata pa ako, ay nakasaksi na ako ng operation tuli sa probinsiya, sa isang liblib na baryo ng aking lolo nang minsa’y sumama kami ng kapatid ko para magbakasyon. Kakaibang ritual ang pagtutuli sa probinsiya ng panahon na yaon, ginanap yun mismo sa tabing ilog ilang oras bago sumapit ag takip silim. Nakapila ang mga binatilyo na walang salawal na animo’y mga kambing na ngumunguya ng dahon ng bayabas, iyon pala ay idudura sa batotoy pagkatapos mabiyak ang talukap pagkapukpok ng martilyong kahoy ang labaha na nakapatong naman sa balat ng bototoy na nakasalaksak sa isang kinayas na maliit na sanga sa harapan mismo ng kinauupuan ng taga-tuli.

Iba-ibang reaction ang aking nasaksihan, me mga napaiyak, me napasigaw, meron din yung halos nahimatay at meron din yung nakuha pang tumawa pero batid mo sa mukha ang kirot at hapdi. Bawat pukpok kasabay ang sigaw ng taga-tuli ng “dura”. Ibig sabihin idudura ang nginunguyang bayabas sa nabiyak ng balat, kasabay nun ang pag dive sa ilog para magbabad. Pero merong isa na hindi niya naidura dahil nalunok pala niya ang nginunguyang dahon ng bayabas. Siguro hindi nakayanan ng hapdi.

Sa panahon ngayon, puro hi-tech na ang kagamitan sa pagtutuli, hindi na kailangan ang dahon ng bayabas, painless pa at parang nagpapamasahe lang sa sauna bath, maya-maya pa kapon ka na pala. Isa ka ng ganap na lalaki. Kelangan mo na lang ay alagan ng ilang lingo, uminom ng antibiotic hanggang maghilom ang sugat. 

Pero ako.. huh! Sariling sikap… mano-mano… ikaw? Kaya mo?